Breaking News

आइफोन प्रयोगकर्ताहरुलाई खतराको घण्टी ! चार्जर केबलबाट नै आइफोन ह्याक हुने

Sep Sun 2021 04:41:54

136 views

आइफोन प्रयोगकर्ताहरुलाई खतराको घण्टी ! चार्जर केबलबाट नै आइफोन ह्याक हुने

Vice को एक रिपोर्ट अनुसार MG नामक एकजना सेक्योरिटी अनुसन्धानकर्ताले एउटा यस्तो चार्जिङ केबल तयार पारेका छन् जसले आइफोन चार्ज गर्नेमात्र होइन आइफोनका सबै डाटा चोरी गर्न सक्दछ ।

वास्तवमा त्यो चार्जिङ केबलमा एक चिप राखिएको हुन्छ जसले आइफोनमा टाइप गरिने सबै चिज रेकर्ड गर्न सक्दछ । सो केबलम जडान गरिएको चिपको सहायताले ह्याकरले सम्बन्धित आइफोनमा रहेका सबै डाटा हात पार्दछ ।

त्यसैले यदि कसैले उक्त तारबाट आइफोन चार्ज गरिरहेको बेला आइफोनमा बैंकको एप खोलेर युजर आइडी तथा पासवर्ड हालेर कारोबार गरियो भने ह्याकरले तपाइँको बैंक अकाउन्ट पनि हात पार्न सक्दछ ।

कसरी काम गर्दछ ?

उक्त चार्जिङ केबलको नाम OMG Cables हो । यो केबलले आफैले एक वाइफाइ हटस्पट बनाउँदछ जसबाट ह्याकरले आफ्नो डिभाइसलाई कनेक्ट गर्न सक्दछ । त्यसपछि एक इन्टरफेसको माध्यमबाट ह्याकरले आइफोनमा टाइप गर्नका लागि थिचिने सबै चालहरु रेकर्ड गर्दछ र सम्पूर्ण डाटाहरु हात पार्दछ । यो केबलको जियो फेन्सिङ फिचरले प्रयोगकर्ताको डिभाइसको पे लोडलाई ब्लक तथा टि्रगर गर्ने अनुमति समेत दिन्छ ।

यो खबर पढेर तपाईलाई कस्तो महसुस भयो ?