यी ५१ कम्पनीको सेयर लगानी जोखिममा

Sep Fri 2021 02:21:01

77 views

यी ५१ कम्पनीको सेयर लगानी जोखिममा

सेयर लगानीका लागि नेपाल इन्फ्रास्ट्रक्चर बैंक (निफ्रा), चन्द्रागिरि हिल्स, विशाल बजारसहित ५१ कम्पनीमा जो’खिम देखिएको छ । नेपाल धितोपत्र बोर्डले विभिन्न मापद’ण्डमा आधारित भएर गरेको अध्ययनका क्रममा यी ५१ कम्पनीमा तुलनात्मक रुपमा जोखिम देखिएको बोर्डका प्रवक्ता निरज गिरीले जानकारी दिए।

जोखिमयुक्त देखिएका कम्पनीहरु यहाँ लिंकमा छन् ।

सेयर बजार उच्च अंकमा पुगेका बेला जोखिम आँकलन गरेर मात्रै लगानी गर्न बोर्डले आग्रह गरेको छ। बोर्डले भनेको छ ‘बजार सधै बढिरहने मात्र नभई समय क्रममा घटबढ भइ रहने बजार हो, यस बजारमा हल्ला वा लहैलहमा लागेर लगानी गर्नु जो’खिमयुक्त हुन्छ।’ बोर्डले पछिल्लो समय गरेको अध्ययनका क्रममा सूचीकृत ५१ कम्पनी बजार मूल्यको हिसावमा तुलनात्मक रुपमा जोखिमयुक्त देखिएको जनाएको छ।

एक वर्षको अवधिमा कम्पनीहरुको मूल्य वृद्धि ३ सय प्रतिशत र सोभन्दा बढीले वृद्धि भएका, मूल्य आम्दानी अनुपात १ सय र सोभन्दा बढी भएका, प्रतिसेयर आम्दानी ऋणात्मक भएका, प्रतिसेयर अंकित मूल्य भन्दा प्रतिसेयर नेटवर्थ कम भएका, कम्पनीको वर्त मान वित्तीय क्षमताको मूल्यांकन समेतका आधारमा यी ५१ कम्पनीमा सेयर लगानी जोखिमयुक्त रहेको बोर्डले जनाएको छ। 

_ICTKhabar ( १ असार २०७८, मंगलवार )

यो खबर पढेर तपाईलाई कस्तो महसुस भयो ?